شاہین کے بعد باﺅلرز کو سمجھ ہی نہیں آ رہی کیسے سوئنگ کرنی ہے: محمد آصف

لاہور(سپورٹس رپورٹر)قومی ٹیم کے سابق فاسٹ باﺅلر محمد آصف نے پاکستانی فاسٹ باﺅلرز کو آڑے ہاتھوں لیا ہے۔محمد آصف نے ٹوئٹر پر لکھا کہ شاہین شاہ آفریدی کے بعد باﺅلرز کو سمجھ ہی نہیں آ رہی کہ گیند کو کیسے سوئنگ کرنا ہے۔ کپتان کیلئے فیلڈنگ سیٹ کرنا مشکل ہو گیا جبکہ انگلش بیٹرز کیلئے وکٹ کے دونوں جانب کھیلنا آسان ہو گیا ۔محمد آصف نے تجویز پیش کی کہ نئی گیند سے اننگز کا آغاز کرنے والے دو سپیشلسٹ باﺅلرز ٹیم میں ہونے چاہئیں۔