لاہور (خصوصی نامہ نگار) تحریک منہاج القرآن کے بانی و سرپرست ڈاکٹر محمد طاہر القادری نے 60جلدوں پر مشتمل انسائیکلوپیڈیا آف سنہ کو مکمل کر لیا ہے۔ پہلے مرحلے میں مقدمہ پر مشتمل 8جلدوں کی تقریب رونمائی یکم اکتوبر 2023ءکو دوپہر 1بجے ایوان اقبال لاہور میں ہو گی۔ تقریب رونمائی سے جامعہ الازہر مصر یونیورسٹی کے سابق وائس چانسلر ممبر پارلیمنٹ پروفیسر ڈاکٹر اسامہ محمد حسن العبد اور علوم الحدیث کے استاد پروفیسر ڈاکٹر محمد نصر اللبان بطور مہمان خصوصی شرکت اور خطاب کریں گے۔ ڈاکٹر محمد طاہرالقادری ویڈیو لنک پر خطاب کریں گے۔