فیصل آباد (نیٹ نیوز) مسلم لیگ ن میں شمولیت کے بعد راجہ ریاض لندن سے وطن واپس پہنچ گئے۔ کارکنوں نے والہانہ استقبال کیا۔ راجہ ریاض کا کمال پور انٹر چیلنج پر کارکنوں نے استقبال کیا۔ استقبال کرنے والوں میں ن لیگ کے مقامی رہنما بھی بڑی تعداد میں موجود تھے۔ کارکنوں نے مسلم لیگ ن، نواز شریف اور راجہ ریاض کے حق میں نعرے بازی کی اور پھولوں کی پتیاں بھی نچھاور کیں۔ راجہ ریاض کو قافلے کی صورت میں کمال پور سے گھر کی جانب لے جایا گیا، کارکن راستے میں بھی شدید نعرے بازی کرتے رہے۔