اسرائیل کے فوجی علاقے سے چوری ہونے والا ٹینک کباڑ سے برآمد

تل ابیب (این این آئی)اسرائیل کے فوجی علاقے سے چوری ہونے والا ٹینک کباڑ سے برآمد ہوگیا، حکام کا کہنا ہے کہ ٹینک جنک یارڈ میں پھینک دیا گیا تھا۔غیرملکی میڈیا رپورٹ کے مطابق اسرائیلی پولیس کا کہنا تھا کہ 65 ٹن وزنی ٹینک ایک فوجی اڈے کے قریب اسکریپ یارڈ میں لاوارث پایا گیا۔پولیس نے بتایا کہ انہوں نے چوری کے سلسلے میں دو مشتبہ افراد کو گرفتار کیا ۔ٹینک کی ایک ویڈیو منظر عام پر آئی جس میں فوج کے گرین ٹینک ٹاورز کے ساتھ دھات اور دیگر صنعتی عمارتوں کے زنگ آلود اسکریپ بھی دیکھے جا سکتے ہیں۔چوری شدہ ٹینک سے متعلق فوج کا مقف ہے کہ مرکاوا 2 ٹینک کو کئی سال قبل غیر فعال کیا گیا تھا اور وہ غیر مسلح تھا۔اسرائیلی فوج کے مطابق ٹینک کو حال ہی میں فوجیوں کی مشقوں کے لئے اسٹیشنری گاڑی کے طور پر استعمال کیا گیا تھا۔اسرائیلی حکام اس بات کا پتہ لگانے کی کوشش کر رہے ہیں کہ کس طرح ایک فوجی تربیتی علاقے سے غیر مسلح ٹینک چوری کیا گیا۔اسرائیلی فوج کا کہنا تھا کہ شمالی اسرائیل کے ساحلی شہر حیفا کے قریب ایک تربیتی علاقے سے اسرائیلی مرکاوا 2 ٹینک لاپتہ ہو گیا تھا۔فوج کا کہنا تھاکہ تربیتی زون استعمال کے وقت عوام کے لئے بند کردیا جاتا ہے، لیکن ضرورت کے تحت راہگیروں کو رسائی دی جاتی ہے۔