ایشین گیمز سوئمنگ‘پاکستان کے امان صدیقی‘ احمد درانی اگلے رانڈ تک رسائی میں ناکام

لاہور(سپورٹس رپورٹر)ایشین گیمز سوئمنگ کے انفرادی فری سٹائل اور انفرادی میڈلے کی ہیٹس میں پاکستانی سوئمرز کی جانب سے مایوس کن آغاز دیکھنے میں آیا۔ ایشین گیمز سوئمنگ میں پاکستان کے امان صدیقی اور احمد درانی اگلے راﺅنڈ تک رسائی حاصل کرنے میں ناکام رہے، مردوں کی 200 میٹر انفرادی میڈلے میں احمد علی درانی کی ٹائمنگ 2 منٹ 15.10 سیکنڈز رہی، احمد درانی نے نیا قومی ریکارڈ تو بنادیا مگر اگلے رانڈ تک نہ آسکے۔اس سے قبل 200 میٹر انفرادی میڈلے کا پاکستان ریکارڈ 2:16.26 تھا۔ احمد درانی کوالیفائی کرنیوالے آخری سوئمر سے 12 سیکنڈز پیچھے اور مجموعی طور پر 27 میں سے 19 ویں نمبر پر آئے۔امان صدیقی 2 منٹ 18.65 سیکنڈز کےساتھ 22 ویں نمبر پر رہے، 100 میٹر انفرادی فری سٹائل میں پاکستان کے احمد درانی ہیٹس میں 33 اور امان صدیقی 37 ویں پوزیشن پر رہے۔