لاہور(سپورٹس رپورٹر)چین میں جاری ایشین گیمز میں والی بال کے کوارٹر فائنل مقابلے میں قطر نے پاکستان کو سنسنی خیز مقابلے کے بعد شکست دےدی۔ایشین گیمز کے والی بال کے کوارٹر فائنل میں عالمی نمبر 51 پاکستان کا مقابلہ عالمی نمبر 17 قطر سے تھا۔ پاکستان کو پہلے سیٹ میں 5 پوائنٹس سے برتری حاصل تھی مگر قطر نے پہلے 15-20 اور پھر 22-24 کے خسارے سے کم بیک کرکے پہلا سیٹ جیتا۔ تیسرے سیٹ میں پاکستان قطر پر حاوی رہا میچ 1-2 کیا لیکن چوتھے سیٹ میں قطر نے کوئی موقع نہ دیا اور 1-3 کی جیت مکمل کی۔ قطر کی جیت کا سکور 24-26، 19-25، 23-25 اور 18-25 رہا۔ پاکستان ٹیم اب پانچویں پوزیشن کیلئے منگل کو بھارت سے مقابلہ کرے گی۔