لاہور (سپورٹس رپورٹر)قائداعظم ٹرافی کرکٹ ٹورنامنٹ میں پشاور ریجن نے راولپنڈی ریجن کو اننگز اور93 رنز سے شکست دیدی۔ایبٹ آباد میں میچ کے تیسرے دن راولپنڈی کی ٹیم دوسری اننگز میں صرف 87 رنز بناکر آو¿ٹ ہوگئی۔محمد الیاس نے5 وکٹیں حاصل کیں۔اس سے قبل پشاور کی ٹیم اپنی پہلی اننگز میں 317رنز بناکر آو¿ٹ ہوگئی تھی۔وقاراحمد نے184 رنز کی شاندار اننگز کھیلی۔ کاشف علی نے5 وکٹیں حاصل کیں۔قذافی سٹیڈیم لاہور میں ملتان ریجن اور لاہور ریجن وائٹس کے درمیان میچ کے تیسرے دن ملتان نے اپنی پہلی اننگز میں چھ وکٹوں پر 329 رنز بنائے تھے۔تیسرے دن چائے کے وقفے کے بعد کھیل ممکن ہوسکا ۔پنڈی کرکٹ سٹیڈیم میں فیصل آباد ریجن اور لاہور ریجن بلوز کے درمیان میچ کے تیسرے دن فیصل آباد نے دوسری اننگز میں دو وکٹوں پر 34 رنز بنائے تھے۔ اس سے قبل لاہور بلوز کی ٹیم پہلی اننگز میں201 رنز بناکر آو¿ٹ ہوگئی تھی۔ فہیم اشرف‘محمد علی اور خرم شہزاد نے تین تین وکٹیں حاصل کیں۔ فیصل آباد نے پہلی اننگز میں 211 رنز بنائے تھے۔علی شفیق نے5وکٹیں حاصل کیں۔شعیب اختر سٹیڈیم پنڈی میں کراچی وائٹس اور فاٹا کے درمیان میچ کے تیسرے دن کراچی ریجن وائٹس کی ٹیم اپنی پہلی اننگز میں 144 رنز بناکر آو¿ٹ ہوگئی۔کھیل کے اختتام پر فاٹا نے اپنی پہلی اننگز میں110 رنز بنائے تھے اور اس کے 6 کھلاڑی آو¿ٹ ہوئے تھے۔