چیمپئنز ون ڈے کپ ‘پینتھرزٹیم مارخورز کو ہراکر فائنل میں پہنچ گئی 

لاہور(سپورٹس رپورٹر)پاکستان کرکٹ بورڈ کے زیر اہتمام چیمپئنز ون ڈے کپ کے کوالیفائر میں پینتھرز نے مارخوز کوسات وکٹوں سے شکست دیکر فائنل میں سیٹ پکی کرلی ۔ مارخورز کی ٹیم ٹاس جیت کر 36اوورز میں137رنز پر ڈھیر ہوگئی ۔ حسیب اللہ خان تین ‘فخر زمان گیارہ‘کامران غلام ایک‘محمد رضوان صفر ‘سلمان آغا52‘افتخار احمد39‘عبدالصمد دو ‘نسیم شاہ چودہ ‘زاہد محمود پانچ ‘شاہنواز دھانی صفر پر آئوٹ ہوئے۔ صرف چار کھلاڑی ڈبل فیگر میں داخل ہوسکے ۔ صائم ایوب نے پانچ اور محمد حسین نے تین کھلاڑیوں کو آئوٹ کیا  ۔  پینتھرز نے ہدف 23.4اوورز میں تین وکٹوں پرپورا کرلیا ۔ صائم ایوب33اذان اویس13‘عمر صدیق35رنز بناکر آئوٹ ہوئے ۔ عثمان خان 54اور رضوان محمود 5رنز پر ناقابل شکست رہے ۔ عاکف جاوید‘سلمان آغا اور زاہد محمود نے ایک ایک وکٹ حاصل کی ۔ صائم ایوب اور محمد حسنین کو مشترکہ طور پر میچ کا بہترین کھلاڑی قرار دیا گیا ۔