لاہور(سپورٹس رپورٹر)آئی سی سی ویمن ٹی ٹونٹی ورلڈ کپ میںپاکستان کی ویمن کرکٹ ٹیم نے گزشتہ روزپریکٹس سیشن میں حصہ لیا ۔ کھلاڑی آج بھی پریکٹس کریںگی۔ کھلاڑیوں نے گزشتہ روز دبئی میںدن2 بجے سے 5 بجے تک پریکٹس سیشن میں حصہ لیا۔پریکٹس سیشن آئی سی سی اکیڈمی اوول 2 پر 3 گھنٹے تک جاری رہا۔ ہیڈ کوچ محمد وسیم ‘فاسٹ بائولنگ کوچ جیند خان‘ سپن باولنگ کوچ عبدالرحمن اور فیلڈنگ کوچ حنیف ملک کھلاڑیوں کو بائولنگ‘ بیٹنگ اور فیلڈنگ کے بارے گائیڈ کرتے رہے۔ پاکستان ویمن کرکٹ ٹیم سکاٹ لینڈ اور بنگلہ دیش کیساتھ وارم اپ میچ کھیلے گی ۔پاکستانی ٹیم افتتاحی میچ 3 اکتوبر کو سری لنکا کیخلاف کھیلے گی ۔دوسرا میچ6 اکتوبر کو بھارت ‘تیسرا 11 اکتوبر کوآسٹریلیااور چوتھا 14 اکتوبر کو نیوزی لینڈ کیخلاف ہوگا۔