چیمبر آف کامرس کے الیکشن، سی پی او کی کارکردگی بہترین رہی:ضیاء الحق

گوجرانوالہ(نمائندہ خصوصی )گوجرانوالہ چیمبرآف کامرس اینڈانڈسٹری کے صدر ضیاء الحق (شیخ فیصل ایوب)کا کہنا ہے چیمبر کے حالیہ الیکشن میں سی پی او گوجرانوالہ رانا ایاز سلیم اور ان کی ٹیم نے بہترین کارکردگی کا عملی مظاہرہ کیا اور چیمبر کے الیکشن انتہائی خوش اسلوبی سے پائیہ تکمیل کو پہنچائے ۔ الیکشن کے تمام عمل میں ووٹرز اور سپورٹرز نے بھی انتہائی بردباری کا مظاہرہ کیا اور اتنے بڑے الیکشن کا پراسس بہترین حکمت عملی اور نظم و ضبط کے ساتھ مکمل ہوا ۔ الیکشن میں تعینات پولیس انتظامیہ کی پوری ٹیم کو مبارکباد پیش کرتا ہوں انہوں نے شہر میں امن و امان کی صورتحال پر تبصرہ کرتے ہوئے کہا کہ بلاشبہ شہر میں امن و امان کی فضاء اور کاروباری ماحول بہترین ہے اس کا کریڈٹ سی پی او گوجرانوالہ رانا ایاز سلیم کو ہی جاتا ہے ۔ محکمہ پولیس سے متعلق بزنس کمیونٹی کے کاروباری مسائل ترجیحی بنیادوں پر حل ہونا اس بات کا بھی بین ثبوت ہے کہ گوجرانوالہ چیمبر اور پولیس انتظامیہ کے مابین بہترین لائزان ہے ۔