بنگلہ دیش اور بھارت میں پھر کشیدگی ، بنگلہ دیش نے خبردار کر دیا

ڈھاکہ (کے پی آئی)بنگلہ دیش نے بھارتی وزیر داخلہ امیت شاہ کی طرف سے بنگلہ دیشی شہریوں  پر تبصروں کو انتہائی افسوسناک قرار دیا ہے اور بھارت سے احتجاج کیا ہے  بھارت کے وزیر داخلہ امیت شاہ  نے جھارکھنڈ میں بنگلہ دیشی شہریوں کے بارے میں نا مناسب الفاظ استعمال کیے تھے بنگلہ دیش کی وزارت خارجہ نے بھارت کے ڈپٹی ہائی کمشنر  کو احتجاجی مراسلہ  دے  دیا ، جس میں سنگین تحفظات اور شدید ناراضگی کا اظہار کیا گیا۔گزشتہ ہفتے جھارکھنڈ کے اپنے دورے کے دوران امت شاہ نے کہا تھا کہ اگر لوگ جھارکھنڈ میں پارٹی کو اقتدار کے لیے منتخب کرتے ہیں تو بی جے پی ہر بنگلہ دیشی درانداز کو سبق دینے کے لیے الٹا لٹکا دے گی۔ڈھاکہ ٹریبیون کے مطابق بنگلہ دیش کی حکومت نے نئی دہلی پر زور دیا کہ وہ اپنے سیاسی رہنماں کو ایسے قابل اعتراض اور ناقابل قبول بیانات دینے سے خبردار کرے۔احتجاجی نوٹ میں کہا گیا کہ وزارت اپنے شدید تحفظات اور شدید ناراضگی کا اظہار کرتی ہے اور بھارتی حکومت سے مطالبہ کرتی ہے وہ سیاسی رہنماں کو اس طرح کے قابل اعتراض اور ناقابل قبول تبصرے کرنے سے باز رہنے کی ہدایت کریں۔علاوہ ازیں وزارت نے اس بات پر بھی زور دیا کہ ایک پڑوسی ملک کے شہریوں کے خلاف ذمہ دار عہدوں سے آنے والے ایسے ریمارکس دونوں ممالک کے درمیان باہمی احترام اور افہام و تفہیم کے جذبے کو مجروح کرتے ہیں۔