راولپنڈی(اپنے سٹاف رپورٹر سے)انسپکٹر جنرل آف پولیس پنجاب ڈاکٹر عثمان انور کے احکامات پرترقی پانے والے راولپنڈی ریجن کے29سب انسپکٹر ز کو انسپکٹرکے عہدہ پرترقی یاب ہونے پر ریجنل دفتر میں رینک لگانے کی تقریب کا انعقاد کیا گیا، رینک لگانے کی تقریب میں ترقی پانے والے افسران کی فیملی کو بھی خصوصی طور پر مدعو کیا گیا، ریجنل پولیس آفیسر راولپنڈی ریجن بابر سرفراز الپانے ترقی پانے والے افسران کو انسپکٹرعہدہ کے رینک لگائے اس موقع پر اے ڈی آئی جی ریجنل دفتر ملک نعیم اختر بھی انکے ہمراہ تھے۔ ترقی پانے والوں میں سب انسپکٹرعاطف حسین، کریم داد، کرامت علی، علی قدر،عبدالعزیز،محمد اصغر،الطاف حسین، محمد رمضان،آصف محمود، محمد یاسین، امیر قابل، محمد اسلم، رضوان حیدر،پرویز مختار،محمد عارف، طارق محمود، رشید احمد، مسعود احمد، غلام شبیر، سکندر حیات، ندیم آصف، سخاوت حسین، محمد نوشاد انجم، احمد یار،غلام شبیر،ندیم احمد، امجد محمود، حسن محمود اور عبدالوحید شامل ہیں، آر پی او راولپنڈی ریجن بابر سرفراز الپا نے ترقی پانے والے تمام افسران کو مبارک باد دیتے ہوئے کہا کہ اللہ تعالی سے دعا ہے کہ وہ آپ کو مزید اسی طرح کامیابیوں سے نوازے، اب آپ اپنی بہترین صلاحیتوں سے شہریوں کے لیے مزید آسانیاں پیدا کریں اور اپنی اور محکمہ کی مثبت شناخت کو برقرار رکھیں،میں امید کرتا ہوں کہ آ پ پہلے سے زیادہ لگن،محنت اوراپنی ذمہ داریوں کا احساس کرتے ہوئے اپنے فرائض سرانجام دیں گے۔