الخدمت فاؤنڈیشن کی دنیا بھر میں کارکردگی سے بہت متاثر ہیں ،علیزہ حلیمہ

 کلرسیداں(اکرام الحق قریشی)مراکش سے تعلق رکھنے والی اقوام متحدہ کی نمائندہ علیزہ حلیمہ نے کلرسیداں میں الخدمت فاؤنڈیشن کی تقریب سے عربی میں خطاب کرتے ہوئے کہا کہ وہ الخدمت کی دنیا بھر میں کارکردگی سے بیحد خوش اور متاثر ہیں پاکستانی لوگ دنیا بھر میں عطیات دینے والوں میں سر فہرست ہیں یہی وجہ ہے کہ میں دنیا میں جہاں بھی گئی وہاں پاکستانیوں کا جذبہ قابل تحسین پایا ہے میں ان کی اور الخدمت کی خدمات کو اپنے الفاظ میں بیان نہیں کرسکتی پاکستانی بہادر اور غیور قوم ہیں انہوں نے اپنی تقریر کا اختتام پاکستان زندہ باد،الخدمت زندہ باد سے کیا اس موقع پر جماعت اسلامی شعبہ خواتین کی سربراہ شاہدہ جاوید نے انہیں شیلڈ پیش کی تقریب میں مختلف شعبوں میں خدمات پر متعدد شخصیات کو شیلڈ بھی دی گئیں۔