ذرائع کے مطابق شمالی وزیرستان کے علاقے میرعلی کے گاؤں خوش کلے میں ،جاسوس طیارے نے تین میزائل داغے جس سے پانچ افراد ہلاک جبکہ متعدد زخمی ہوگئے ۔ ہلاکتوں میں اضافے کا خدشہ ظاہر کیا جا رہا ہے ۔ علاقے میں جاسوس طیاروں کی پروازیں جاری ہیں جس سے مقامی لوگوں میں شدید خوف وہراس پایا جارہا ہے ۔ذرائع کے مطابق امریکی ڈرون طیارے نے ایک گھر میں شدت پسندوں کی موجودگی کی اطلاع پرمیزائل داغے تاہم ابھی تک اس بات کی تصدیق نہیں ہوسکی کہ جاں بحق ہونے والے کون تھے ۔