جناب وزیراعلیٰ قوم آپکے ساتھ ہے: صدر لاہور چیمبر

لاہور (خصوصی رپورٹر) سارک انٹرنیشنل نمائش کی افتتاحی تقریب کے دوران لاہور چیمبر آف کامرس اینڈ انڈسٹری کے صدر سہیل لاشاری نے خطبہ استقبالیہ پیش کرتے ہوئے کہا پنجاب حکومت نے ہمیشہ ہماری بھرپور حوصلہ افزائی کی ہے اور سارک انٹرنیشنل نمائش کے انعقاد میں صوبائی قیادت نے بہت تعاون کیا ہے۔ انہوں نے کہا وزیراعلیٰ شہبازشریف کا یہ پسندیدہ شعر ہے جو کہ وہ اکثر پڑھتے ہیں اور یہ شعر مجھے بھی بہت پسند ہے؎
ان اندھیروں میں بھی منزل تک پہنچ سکتے ہیں ہم
جگنوئوں کو راستہ تو یاد ہونا چاہئے
انہوں نے کہا در حقیقت وزیراعلیٰ کی شخصیت خود ایک جگنو جیسی ہے اور مجھے امید ہے شہباز شریف بھی جگنو کی طرح ملک و قوم کو روشنی دینے میں ضرور کامیاب ہوں گے۔ انہوں نے ہمیشہ ہماری رہنمائی کی ہے اور قوم اسوقت آپکے ساتھ ہے۔ آج ملک کی اقتصادی صورتحال میں نمایاں بہتری آئی ہے اور مہنگائی میں کمی واقع ہوئی ہے۔