گھوٹکی (آئی این پی )گھوٹکی کی تحصیل ڈہرکی میں امام بارگاہ کالونی میں پولیس ٹارچر سیل کا انکشاف ہوا۔ ٹارچر سیل میں کراچی سے گرفتار کئے گئے سات افراد کو رکھا گیا تھا ۔ نجی ٹی وی کے مطابق ڈہرکی امام بارگاہ کالونی میں پولیس کا نجی ٹارچر سیل موجود ہونے کا انکشاف ہو ا۔ صحافیوں کی ٹیم جب ٹارچر سیل پر پہنچی تو پولیس کی جانب سے کوریج سے روکا گیا۔ صحافی ٹارچر سیل میں موجود سات افراد تک پہنچے تو انہوں نے بتایا کہ پولیس نے انہیں کراچی سے گرفتار کیا ہے اور یہاں انہیں تشدد کا نشانہ بنایا جا رہا ہے۔ گرفتارشدگان نے جعلی پولیس مقابلے میں اپنی ہلاکتوں کے خدشے کا اظہار بھی کیا۔
ٹارچر سیل