کراچی(کلچرل رپورٹر)ایس ایچ ای فاﺅنڈیشن کے سربراہ ولی اللہ اور ان کی بیگم کی جانب سے آئینہ2 کی لانچنگ کی گئی۔ اس موقع پر اداکار ندیم‘ مصطفی قریشی سنگیتا‘ہدایتکار سید نور‘ کاشف خان‘ امین میمن‘ ایس پی شہلا قریشی‘ ذکر پاپولانی‘ سکندر اقبال‘حنیف خان‘ اسلم الیاس‘کنول خان‘اطہر جاوید صوفی‘ عبد الوسیع قریشی ‘ارشد ملک و دیگر موجودتھے۔ اس موقع پر اداکار ندیم نے کہا کہ شبنم کے ہمراہ درجنوں فلموں میں کام کیا۔ امید ہے آئینہ میں ہم نئے عزم کے ساتھ کام کریں گے۔ ولی اللہ نے آئینہ 2 کی کاسٹ کو مبارکباد دیتے ہوئے کہا کہ ہم پاکستانی فلمی صنعت کو ترقی کرتا دیکھنا چاہتے ہیں۔