لاہور(سپورٹس رپورٹر+نمائندہ سپورٹس)ورلڈ کپ2019 کا شیڈول جاری ‘پاکستان پہلامیچ ویسٹ انڈیز کے خلاف31مئی کوکھیلے گا جبکہ روایتی حریف کیخلاف 16جون کواولڈ ٹریفورڈ میں سجے گا۔ ٹورنا منٹ کا آغاز30مئی سے انگلینڈ اور ساوتھ افریقہ کے درمیان اوول سے ہوگا جبکہ فائنل 14جولائی کو اوول میں ہی کھیلا جائےگا۔ورلڈ کپ1992والے ورلڈ کپ کی طرح ڈیزائن کیا گیا ہے جس میں ہر ٹیم مخالف ٹیم سے ایک میچ کھیلے گی اور مجموعی طور پرہر ٹیم کے حصے نو میچز آئیں گے ، کوارٹر فائنل کا مرحلہ بھی حذف ہوگیا ، دس ٹیموں میں چار منتخب ہو کرسیمی فائنل میں مد مقابل ہونگی۔ پاکستان میچز ویسٹ انڈیز‘ آسٹریلیا‘جنوبی افریقہ‘ انگلینڈ‘ بنگلہ دیش‘نیوزی لینڈ‘بھارت‘سری لنکااورافغانستان کےخلاف بالترتیب 31 مئی،6 جون، 10جون، 16جون،17 جون، 22 جون،27 جون، یکم جولائی اور چار جولائی کو کھیلے گا۔ سیمی فائنل9 اور 11جولائی کو کھیلے جائیں گے جبکہ فائنل معرکہ 14جولائی کوکھیلا جائے گا۔ٹورنامنٹ انگلینڈ اور ویلزکے 11مختلف مقاما ت پر کھیلا جائے گا۔