لاہور(نمائندہ سپورٹس+سپورٹس رپورٹر ) پاکستان کرکٹ بورڈ کے زیر اہتمام پاکستان کرکٹ کپ کے افتتاحی میچ میں پنجاب نے بلوچستان کو 7وکٹوں سے ہرا دیا ۔بلوچستان نے ٹاس جیت کر پہلے کھیلنے کا فیصلہ کیااور تین وکٹوں پر 365رنز بنائے ۔ بسم اللہ خان نے 106‘احمد شہزاد نے 95رنز بنائے ۔محمد نواز نے ناقابل شکست 83اور رمیز راجہ جونیئر نے ناقابل شکست 51رنز بنائے ۔ نوید ملک نو رنز بناسکے۔کاشف بھٹی نے ایک وکٹ حاصل کی ‘دو کھلاڑی رن آﺅٹ ہوئے۔ پنجاب نے ہدف تین وکٹوں پرپورا کرلیا ۔ مین آف دی میچ صاحبزادہ فرحان نے 155رنز کی اننگز کھیلی۔ محمد رضوان نے ناقابل شکست 124رنز بنائے ۔کپتان شعیب ملک 21رنز بناکر آﺅٹ ہوئے ۔ آصف علی پانچ رنز پر ناقابل شکست رہے ۔ شاہین شاہ آفریدی اور محمد عرفان جونیئر نے ایک ایک وکٹ حاصل کی۔ ایک کھلاڑی رن آﺅ ٹ ہوا۔دوسرا میچ آج فیڈرل ایریااور خیبر پی کے کی ٹیموں کے درمیان کھیلا جائے گا۔میچ پاکستانی وقت کے مطابق دن اڑھائی بجے شروع ہوگا۔