آزاد کشمیر رجمنٹل سنٹر کا دورہ، آرمی چیف نے جوانوں کی قربانیوں کو سراہا

راولپنڈی (سٹاف رپورٹر) آرمی چیف جنرل قمر جاوید باجوہ نے آزاد کشمیر رجمنٹل سنٹر کا دورہ کیا اور دہشت گردی کے خلاف رجمنٹ کے جوانوں کی قربانیوں کو سراہا۔ آئی ایس پی آر کے مطابق آرمی چیف قمر جاوید باجوہ نے دورہ کے دوران یادگار شہداء پر پھول بھی چڑھائے۔ کور کمانڈر راولپنڈی لیفٹیننٹ جنرل بلال اکبر بھی آرمی چیف جنرل قمر جاوید باجوہ کے ہمراہ تھے۔ آئی ایس پی آر کے مطابق آرمی چیف نے لیفٹیننٹ جنرل شیر افگن کو کرنل کمانڈنٹ کے بیج لگائے۔ تقریب میں حاضر سروس اور ریٹائرڈ افسروں نے بھی شرکت کی۔