فیروزوالہ (نامہ نگار )جی ٹی روڈ پر ٹریفک حادثات میں ایک نوجوان ہلاک اور دو عورتوں سمیت بارہ افراد زخمی ہو گئے ، بتایا گیا ہے کہ لاہور شرقپور روڈ کی آبادی اٹاری کے قریب موٹر سائیکل اور کدھا گاڑی کے درمیان تصادم نے موٹر سائیکل سوار نوجوان محمد عرفان جاں بحق ہو گیا ،فیکٹری ایریا پولیس نے متوفی کی لاش قبضہ میں لے کرضروری کارروائی کے بعد ورثاء کے حوالے کر دی ، کالا خطائی روڈ پر مزدا ٹرک ، کیری ڈبہ اور ویگن کے درمیان تصاد م کے نتیجہ میں 7افراد زخمی ہو گئے، جی ٹی روڈ پر ننگل ساہداں کے قریب ویگن بے قابوہو کر فٹ پاتھ سے ٹکرا گئی ، جس کے نتیجہ میں پانچ افراد زخمی ہو گئے۔