بیجنگ  (اے پی پی):چین کی بحریہ میں 3 نئے جنگی جہاز شامل کیے گئے ہیں۔ چینی بحریہ میں تین جنگی جہازوں لانگ مارچ 18، دالیان، اور ہائی نان کی شمولیت کے حوالے سیصوبہ ہائی نان کے شہرسان یا میں واقع ایک فوجی بندرگاہ پر خصوصی تقریب منعقد ہوئی۔ چینی صدر شی جن پنگ نے بحریہ میں 3 جدید جنگی جہازوں کی شمولیت کے حوالے سے منعقدہ خصوصی تقریب میں شرکت کی۔تقریب کے دوران شی جن پنگ نے بحری جنگی جہازوں کی تحقیق اور تیاری سے وابستہ عملے اور بحریہ کے افسران اور جوانوں سے ملاقات کی اور ان سے تبادلہ خیال کیا۔