کراچی:  دو سروے میں عمران تیسرے میں نوازشریف فیورٹ لیڈر

کراچی (نیٹ نیوز) کراچی کے حلقے این اے 249 پر ضمنی انتخاب قریب آن پہنچا جبکہ علاقے میں عوام کے پسندیدہ لیڈر کیلئے کیے گئے تین سرویز  کی رپورٹ بھی آگئی ہے۔ 29 اپریل کو ہونے والے ضمنی انتخاب میں عمران خان کو اب بھی علاقے کے لوگ سب سے پسندیدہ اور مقبول شخصیت بتاتے ہیں۔ دو سرویز میں لوگوں نے وزیر اعظم عمران خان جبکہ تیسریسروے میں نواز شریف کو سب سے پسندیدہ اور مقبول شخصیت قرار دیا۔ اس بات کا انکشاف گیلپ پاکستان، اپسوس اور پلس کنسلٹنٹ کے سروے میں ہوا۔ جس میں قومی اسمبلی کے حلقے این اے 249 سے شماریاتی طور پر منتخب 1200 سے 1400 سے زائد رجسٹرڈ ووٹرز نے حصہ لیا۔ پلس کنسلٹنٹ کے سروے میں 18 فیصد نے وزیراعظم عمران خان کو سب سے زیادہ پسندیدہ اور مقبول کہا جس کے بعد 16 فیصد نے پاک سرزمین پارٹی کے سربراہ مصطفیٰ کمال کو فیورٹ قرار دیا۔ 10 فیصد نے نواز شریف، 7 فیصد نے خادم حسین رضوی، 6 فیصد نے بینظیر بھٹو، 5 فیصد نے فاروق ستار، 4 فیصد نے پرویزمشرف، 3 فیصد نے مریم نواز جبکہ 2 فیصد نے خالد مقبول صدیقی کو اپنا فیورٹ کہا۔ اپسوس پاکستان کے سروے میں عمران خان 20 فیصد کے ساتھ حلقے کے مقبول ترین رہنما نظر آئے۔ 16 فیصد نے نواز شریف جبکہ 16 فیصد نے مصطفیٰ کمال کو اپنا پسندیدہ کہا ہے۔ 22 فیصد  نے کسی کو بھی پسندیدہ لیڈر قرار نہیں دیا۔