کراچی، بولٹن مارکیٹ میں کسٹمز حکام کی کارروائی، دکاندار مشتعل

کراچی (وقائع نگار)کراچی کے علاقے بولٹن مارکیٹ میں کسٹمزحکام کی جانب سے اسمگل شدہ اشیاء کی تلاش کیلئے دکانوں کے تالے کاٹ کرتلاشی ،کسٹمزکے موجودہ اقدام کیخلاف تاجربرادی مشتعل ،علاقے میں فائرنگ سے بھگدڑمچ گئی تین افرادشدیدزخمی جبکہ فائرنگ سے شدیدزخمی 28سالہ شفیق ولدعبدالخالق نامی کو بھی فوری طورپرطبی امدادکے لیے ایدھی ایمبولینس کے ذریعے سول ہسپتال منتقل کیاگیا،بولٹن مارکیٹ کے اطراف حالات کشیدہ ہونے کی وجہ سے رینجرز اور پولیس کی بھاری نفری حالات کو کنٹرول کرنے پہنچ گئی، پولیس حکام کے مطابق کسٹمز نے اسمگل شدہ اشیاء کی تلاش میں دکانوں کے تالے کاٹے جارہے تھے کہ کاروائی کے دوران دکانداربھی پہنچ گئے ،دکانداروں کے شدیداحتجاج کے باعث حالات کشیدہ وگئے ،پولیس ذرائع کے مطابق کسٹمز اہلکاروں نے دکانداروں کومنتشرکرنے کیلئے ہوائی فائرنگ کی اس دوران مبینہ فائرنگ سے 3افرادموقع پرہی زخمی ہوئیپولیس حکام کاکہناتھاکہ کسٹمز کارروائی سے قبل کھارادر پولیس کو آگاہ نہیں کیاگیاتھاجس کے باعث حالات کنٹرول میں نہ اسکے جن دکانوں میں چھاپہ مارا گیا ان میں کنفکشنری,الیکٹرونکس سمیت دیگر سامان موجود ہے۔