عمران خان نے کرونا کیخلاف فوج سے مدد مانگ کر اچھا قدم اٹھایا : ذکاء اللہ صالح

نارنگ منڈی(نامہ نگار) تحریک انصاف کے رہنما اور امیدوار برائے چیئرمین چوہدری ذکاء اللہ صالح کوروٹانہ نے کہا ہے کہ عالمی وباء کرونا پوری دنیا میں پنجے گاڑھ چکی اور جس گھر میں خدا نخواستہ کورونا کا ایک بھی مریض ہے اس  پورے خاندان کی خوشیاں خوف میں بدل جاتی ہیں وزیر اعظم عمران خان اور وزیر اعلیٰ پنجاب سردار عثمان بزدار این سی او سی کے اجلاسوں اور دیگر ذرائع ابلاغ کی مدد سے قوم کو بار بار ایس او پیز کی ہدایت کر رہے ہیں ۔۔ وزیر اعظم عمران خان نے افواج پاکستان سے مدد مانگ کر بہت اچھا قدم اٹھایا ۔فوج کی ہدایت پر ہی دکاندار اور مارکیٹوں میں کام کرنے والے افراد فوری عمل کریں گے۔