منشیات نوجوان نسل کو دیمک کی طرح چاٹ رہی ہے:ظہیر رضا خان

نوشہرہ ورکاں (نمائندہ نوائے وقت) منشیات نوجوان نسل کو دیمک کی طرح چاٹ رہی ہے کھیلوں جیسی صحت مندانہ سرگرمیوں کوفروغ دیکر نئی نسل کے مستقبل کو محفوظ بنایا جا سکتا ہے۔ سیکرٹری انفارمیشن ڈویژنل کبڈی ایسوسی ایشن سردار ظہیر رضا خان نے کہا منشیات فروشی کا دھندہ زیادہ منافع بخش ہونے کی وجہ سے تیزی سے پھیل رہا ہے جس سے پورا معاشرہ منشیات جیسی لعنت کی لپیٹ میں آ چکا  ہے بدقسمتی سے قانون نافذ کرنے والے اداروں کی پیشہ ورانہ غفلت اور لاپرواہی سے اب یہ ناسور سکولوں کالجوں اور یونیورسٹیز کے طلباء و طالبات تک پہنچ گیا  اس کے تدارک کے لئے نوجوان نسل کے رجحان کو کھیلوں کی طرف موڑنا ہو گا۔