کراچی ( یواین پی)ینگ مسلم کلب کے زیراہتمام جاری ڈاکٹر ضیاء الدین میموریل رمضان فلڈ لائٹ فٹ بال ٹورنامنٹ میں ریل مادریڈ کلب نے ہمت کلب کو ہرا دیا جبکہ تین میچز برابر رہے۔ ابراہیم علی بھائی گورنمنٹ سکول اورنگی ٹائون میں کھیلے گئے ٹورنامنٹ کے ایک میچ میںریل مادریڈ کلب نے ہمت کلب ایک سخت مقابلے کے بعد5-4 گول سے کو ہرا دیا، جبکہ شاجی کلب اور اورنگی کلب کے درمیان میچ 3-3 گول سے، این ایچ کلب اور فرنٹیئر سائٹ کی ٹیموں کے درمیان میچ 2-2 گول سے اور اسی طرح طالب کلب اور کنگ گلشن کلب کی ٹیموں کے درمیان میچ 1-1 گول سے برابر رہے۔ ریفری کے فرائض ذاکر خان اور میچ کمشنر کے جلال یوسف نے انجام دیئے ۔ ٹورنامنٹ میں سولہ ٹیمیں حصہ لے رہی ہیں جن کو چار گروپوں میں تقسیم کیا گیا ہے۔