شاہ سلمان‘ جوبائیڈن‘ چینی صدر کی میکرون کو مبارکباد 

ریاض‘ واشنگٹن ‘ بیجنگ (اے پی پی) سعودی عرب کے فرمانروا شاہ سلمان اور چینی صدر شی جن پنگ نے عمانویل مکیرون کو دوسری بار فرانس کا صدر منتخب ہونے پر مبارکباد دی ہے۔ شاہ سلمان نے تہنیتی خط بھیجا ہے۔ سعودی پریس ایجنسی نے پیر کو علی الصبح بتایا کہ شاہ سلمان نے تہنیتی خط میں ان کے صدر منتخب ہونے پر نیک خواہشات کا اظہار کیا ہے اور دونوں ممالک اور ان کے عوام کے درمیان شاندار تعلقات کوسراہا ہے۔ ولی عہد شہزادہ محمد بن سلمان نے بھی تہنیتی خط بھیجا ہے اور فرانسیسی عوام کے لیے مزید ترقی کی خواہش کا اظہار کیا ہے۔ چینی صدر نے کہا تعلقات فروغ پائیں گے۔ امریکی صدر جو بائیڈن نے فرانسیسی صدر میکرون کو  دوسری مدت کے لیے  صدر منتخب ہونے پر مبارکباد دی ہے۔ اپنے ٹویٹ میں فرانس کو عالمی چیلنجزسے نمٹنے میں کلیدی شراکت دار قرار دیا۔ انہوں نے   اس عزم کا اعادہ کیا کہ وہ  فرانسیسی صدرکے سا تھ  قریبی تعاون، یوکرائن کی حمایت، جمہوریت کے دفاع اور ماحولیاتی تبدیلی سے نمٹنے کے لئے تعاون جاری رکھیں گے ۔
مبارکباد