نیوزی لینڈ کے کرکٹر کی شادی پر ایم ایس دھونی سمیت دیگر کرکٹرز کا ڈانس

ممبئی(آئی این پی)نیوزی لینڈ کے کرکٹر اور انڈین پریمیئر لیگ میں چنئی سپر کنگز کی نمائندگی کرنے والے ڈیون کانوے رشتہ ازدواج میں منسلک ہوگئے۔کرکٹر کی شادی کی ایک تقریب کی کچھ ویڈیوز چنئی سپر کنگز کے سوشل میڈیا اکانٹس پر شیئر کی گئیں جن میں سے ایک ویڈیو میں بھارت کے سابق کپتان ایم ایس دھونی اور ویسٹ انڈین کرکٹر براوو سمیت دیگر کھلاڑیوں کو رقص کرتے دیکھا جاسکتا ہے۔ویڈیو میں براوو نے ڈانس کے اپنے مخصوص اسٹیپ کیے جب کہ پیلے رنگ کے کرتے میں ملبوس دھونی نے ہلکا سا کندھا ہلایا تاہم ان ویڈیوز میں دیگر کھلاڑیوں کو بھی خوب انجوائے کرتے دیکھا جا سکتا ہے۔