گوجرانوالہ: دوران ناکہ بندی ملزمان سے ناجائزاسلحہ برآمد

گوجرانوالہ (نمائندہ خصوصی )ایس ایس پی پٹرولنگ ریجن توصیف حیدر کے احکامات کے پیش نظر ڈی ایس پیز کی زیر نگرانی جرائم پیشہ عناصر پر سخت نظر رکھنے اور انسداد جرائم کے لیے پٹرولنگ پولیس کی مختلف ٹیمیں تشکیل دے رکھی ہیں اسی تناظر میں پٹرولنگ پوسٹ فیروز والہ کی پٹرولنگ ٹیم کے انچارج محمد سلمان ہمراہ پٹرولنگ ٹیم نے دوران ناکہ بندی اسد سے ناجائز رائفل 12بور اور ایک پسٹل تیس بور اور گولیاں برآمد کیں جبکہ پٹرولنگ پوسٹ ساہو والہ کے انچارج سب انسپکٹر محمد زبیر ھمراہ پٹرولنگ ٹیموں نے دوران ناکہ بندی دو ملزمان قاسم اور عثمان اقبال سے ایک رائفل 30بور اور ایک پسٹل تیس بور اور گولیاں برآمد کیں جبکہ ایک اشتہاری مجرم بھی گرفتار کیا علاوہ ازیں اشتہاری مجرمان کے خلاف کریک ڈاون کرتے ہوئے پٹرولنگ پولیس پوسٹ کھوئی سٹاپ مدو کاہلواں اور اڈا بستان کی پٹرولنگ ٹیموں نے تین اشتہاری مجرمان گرفتار کیے ایس ایس پی پٹرولنگ توصیف حیدر کا کہنا ہے کہ ناجائز اسلحہ لیکر ہائی ویز پر گھومنے والوں اور اشتہاری مجرمان کے خلاف بلا امتیاز کاروائیاں جاری ہیں۔