اللہ کی پہچان کا نام قرآن‘اسے پڑھنے سمجھنے کی ضرورت ہے: آغاعلی حسنین

لاہور (خصوصی نامہ نگار )ادارہ نور الھدیٰ سبزہ زار کے سربراہ آغا علی حسنین مہدوی کا کہنا ہے کہ اللہ کی پہچان کا نام قرآن ہے ہمیں اسے پڑھنے اور سمجھنے کی اشد ضرورت ہے ۔ دین اسلام امن و بھائی چارے کا درس دیتا ہے اپنے بچوں کی بہتر نشونما کے لیے دین کی طرف راغب کرنا بہترین عمل ہے یہ باتیں انھوں نے محفل میلاد سے خطاب کرتے ہوئے کہیں. اللہ اور اسکے رسول کی رضا دین کی خدمت میں ہے، عامر ہاشمی نے کہا کہ نفاق باعث نقصان جبکہ اتحاد امت باعث رحمت و برکت ہے۔ملکی ترقی قومی خوشحالی اور امن و اتحاد کے خصوصی دعائیں کی گئیں۔