لاہور(نامہ نگار) ٹاو¿ن شپ کے علاقے میں 10سالہ بچہ گھر کی تیسری منزل کی چھت سے نیچے گرکرجاں بحق ہو گیاہےجبکہ بچے کی ہلاکت پر ماں صدمے سے بے ہوش ہو گئی۔ تفصیلات کے مطابق ٹاو¿ن شپ شپ کے علاقے میں 10سالہ بچہ جوزف اپنے گھر کی زیر تعمیر تیسری منزل پر کھیلتے ہوئے پاو¿ں پھسلنے سے نیچلی منزل پر آن گرااور زخموں کی تاب نہ لاتے ہوئے موقع پرہی دم توڑ گیا ہے۔ واقعہ کی اطلاع ملنے پر پولیس نے موقع پر پہنچ کرضروری قانونی کارروائی کے بعد نعش تدفین کیلئے لواحقین کے حوالے کر دی ہے۔بچے کی ہلاکت پر گھر میں کہرام مچ گیا اور صدمے سے بے ہوش ہو گئی جبکہ علاقے میں سوگواری کی فضاءچھا گئی ہے۔