نواز شریف کو قوم نے  مسترد کردیا ہے:مہر شرافت 

لاہور (نیوز رپورٹر)پاکستان تحریک انصاف کے نامزد امیدوار حلقہ پی پی 158 مہر شرافت قصوری نے کارکنوں کے ہمراہ پارٹی کے یوم تاسیس کا کیک کاٹا مہر شرافت نے حلقے میں باقاعدہ انتخابی مہم کے موقع پر کارکنان سے خطاب کرتے ہوئے کہا کہ پورے حلقے میں چیئرمین عمران خان کا پیغام پہنچانے کے لیے کارکنان متحرک ہو جائیں دنیا نے دیکھا کہ قوم نے عیدالفطر کی خوشیاں اپنے قائد عمران خان کے ساتھ زمان پارک میں منائیں جہاں عید میلے کا سماں تھا اور جاتی عمرہ میں عید کے دن بھی ویرانیاں ناچ رہی تھیں جو نواز شریف عید کا دن بھی اپنے وطن میں اپنے گھر میں گزارنے کا حوصلہ نہیں رکھتا وہ ملک و قوم کے لیے کیا کرے گا۔بزدل نواز شریف کی ن لیگ کو قوم نے مسترد کردیا ہے اب پی ٹی آئی کا دور ہے پنجاب کے عوام الیکشن میں پی ٹی آئی کے امیدواروں کو ووٹ دیکر کامیاب بنانے کے لئے بے چین ہیں 14 مئی کو صرف اور صرف پی ٹی آئی کا ڈنکا بجے گا۔