شارجہ کرکٹ سٹیڈیم کاویسٹ سٹینڈسچن ٹنڈولکر سے منسوب

لاہور(سپورٹس ڈیسک) دنیائے کرکٹ کا مشہور بین الاقوامی مشہور شارجہ کرکٹ سٹیڈیم کے ویسٹ سٹینڈ کا نام سچن ٹنڈولکر سٹینڈ رکھ دیا گیا ۔ ٹنڈولکر نے 34 سٹیڈیمزمیں کھیلے گئے ون ڈے میچوں میں 49سنچریاں سکور کیں لیکن شارجہ کرکٹ سٹیڈیم میں ان کی 7سنچریاں جن میں اپریل 1998میں جڑواں سنچریاں بھی شامل ہیں ۔ سچن ٹنڈولکر کا کہنا تھا کہ شارجہ میں کھیلنا ہمیشہ ہی ایک شاندار تجربہ رہا ہے کیونکہ شارجہ میں دنیا بھر سے شائقین میچ دیکھنے آتے ہیں اور ہمیں سپورٹ کرتے ہیں یہی وجہ ہے کہ کھیل سے محبت کرنے والوں کےلئے شارجہ کرکٹ سٹیڈیم ایک خاص جگہ ہے سچن ٹنڈولکرنے اس موقع پر مسٹر بخاطر اور ان کی ٹیم کا شکریہ ادا کیا۔شارجہ سٹیڈیم کے سی ای اوخلف بخاطر نے کہا کہ سچن ٹنڈولکرکے نام سے سٹینڈ منسوب کرتے ہوئے خوشی محسوس کر رہے ہیں۔ ہماری کوشش ہوگی کہ ہم دنیائے کرکٹ کے ان عظیم کھلاڑیوں کو خراج تحسین پیش کریں جنہوں نے اپنی شاندار اننگز شارجہ کرکٹ سٹیڈیم میں کھیلی سچن ٹنڈولکر سٹینڈ کے بعد بہت جلد پاکستان اور سری لنکا کے کھلاڑیوں کے نام سے بھی سٹینڈمنسوب کئے جائیں گے واضح رہے کہ شارجہ کرکٹ اسٹیڈیم سب سے زیادہ ون ڈے انٹرنیشنل کھیلے جانے کا گنیز ریکارڈ رکھتا ہے جس میں کرکٹ کی تاریخ کے کچھ یادگار لمحات اس میدان میں بنے جو کرکٹ تاریخ میں نمایاں ہیں۔