لاہور(سپورٹس ڈیسک)بھارت نے ورلڈ ٹیسٹ چیمپئن شپ کے فائنل کیلئے سکواڈ کا اعلان کر دیا،مڈل آرڈر بیٹر اجنکیا رہانے کو ٹیسٹ سکواڈ میں شامل کر لیا گیا ہے۔بھارتی کرکٹ بورڈ کے مطابق آل انڈیا سینئر سلیکشن کمیٹی نے آسٹریلیا کے خلاف فائنل کےلئے سکواڈ کا اعلان کیا ہے۔سکواڈ میں کپتان روہت شرما، شبھمن گل، چتیشور پجارا، ویرات کوہلی، اجنکیا رہانے، کے ایل راہول، کے ایس بھرت اور روی چندرن ایشون شامل ہیں۔ رویندرا جدیجہ ، اکشر پٹیل، شردل ٹھاکر، محمد شامی، محمد سراج، امیش یادیو اور جے دیو انادکٹ بھی سکواڈ کا حصہ ہیں۔ورلڈ ٹیسٹ چیمپئن شپ کا فائنل بھارت اور آسٹریلیا کے درمیان 7 جون سے اوول لندن میں کھیلا جائےگا۔