فرانس کیخلاف مقابلہ ‘انگلینڈ  نے 19رکنی رگبی سکواڈ میں 15نئے کھلاڑیوںکو شامل کرلیا

لاہور(سپورٹس ڈیسک )انگلینڈ کے کوچ شان وین نے ہفتہ کو وارنگٹن میں وسط سیزن کے رگبی میچ میں فرانس کا مقابلہ کرنے کیلئے 19 رکنی سکواڈ میں 15 غیر کیپڈ کھلاڑیوں کوشامل کرلیاہے۔صرف بین کری، کائی پیئرس پال، جیک ویلسبی اور کپتان جارج ولیمز پہلے ہی ایک ٹیسٹ میں انگلینڈ کی نمائندگی کر چکے ہیں۔سپر لیگ کے رہنما ویگن واریئرز کے پول میں چھ کھلاڑی ہیں، جن میں فارم میں موجود ہاف بیک ہیری سمتھ بھی شامل ہیں۔سکواڈ میں میٹی ایشٹن، بین کیوری ، ٹائلر ڈوپری ، ایش ہینڈلی ، جیمز ہیریسن، ایتھن ہاورڈ ، ٹام ہولرویڈ ، ٹوبی کنگ، مکی لیوس، جیز لٹن ‘ میٹی نکلسن ، کائی پیئرس پال، ہیری سمتھ، مورگن سمتھیز ، جوش تھیولس، ڈینی واکر ، جیک وارڈل ، جیک ویلسبی ، جارج ولیمز شامل ہیں ۔