لاہور(سپورٹس رپورٹر)خواتین ٹی20 انٹرنیشنل میں انڈونیشیا کی روہمالیا نے نئی تاریخ رقم کردی۔17 سالہ آف سپنر کے 3 اوورز اور 2 بالز میں ایک رن بھی سکور نہ ہوا۔منگولیا کیخلاف ٹی20 انٹرنیشنل میں روہمالیا نے بغیر کوئی رن دیے 7 وکٹیں لے لیں۔روہمالیا کسی بھی فارمیٹ کی کرکٹ میں بغیر رن دیے 7 وکٹیں لینے والی پہلی بائولر ہیں۔یہ ویمن ٹی 20 انٹرنیشنل میں تاریخ کی سب سے بہترین بائولنگ فگرز ہیں۔ منگولیا کی ٹیم 24 رنز پر ڈھیر ہوگئی۔