قلعہ دیدار سنگھ(نمائندہ خصوصی)سینئررہنما مسلم لیگ ن شیخ اعجاز احمد بہلولیہ کی نوید انجم جی ایم گیپکوسے ملاقات،بہترین کارکردگی وپروموشن پرامتیاز احمد چیمہ چیف آفیسر پلاننگ گیپکو،شیخ امان اللہ چیف آفیسر ڈویلپمنٹ گیپکوکو خراج تحسین پیش کرتے ہوئے گلدستے پیش کیے۔اس موقع پر شیخ سمیع اللہ یعقوب بہلولیہ،شیخ امتیاز ودیگر بھی موجود تھے۔نوید انجم جی ایم گیپکو کا کہنا تھا کہ گیپکو کے جفاکش کارکنوں کی خدمات کو زبردست خراج تحسین پیش کرتا ہوں جنہوں نے صارفین کو بہتر خدمات مہیا کرنے کیلئے ناصرف گرمیوں کی چلچلاتی دوپہروں اور سردیوں کی یخ بستہ راتوں میں کام کرکے عوام کو بجلی فراہمی جاری رکھی بلکہ اسکے لئے کئی مرتبہ اپنی جانوں کا نذرانہ بھی پیش کیا۔میری اپنے تمام فیلڈ سٹاف سے التماس ہے کہ ڈیوٹی کے دوران کرونا سیفٹی اصولوں پر سختی سے عمل کریں اور بالخصوص لائنوں پر کام کے دوران تمام تر حفاظتی تدابیر اختیار کرتے ہوئے ٹی اینڈ پی کا لازمی استعمال کریں ۔