نائجیریا کے دارالحکومت ابوجا کے قریب تیز بارش کے باعث جیل کی دیوار گرنے سے کم از کم 118 قیدی فرار ہوگئے۔
غیرملکی میڈیا کے مطابق بدھ کی رات ہونے والی تیز بارش کئی گھنٹوں تک جاری رہی تھی جس سے جیل کے کچھ حصوں اور ارد گرد کی عمارتوں کو نقصان پہنچا تھا۔
رپورٹس کے مطابق سیکیورٹی ایجنسیز نے جیل سے فرار ہونے والے 10 قیدیوں کو پکڑ لیا ہے۔
حکام کا کہنا ہے کہ فرار ہونے والے قیدیوں کو پکڑنے کی کوششیں جاری ہیں جبکہ عوام سے بھی چوکنّا رہ کر تعاون اور مدد کی اپیل کی گئی ہے۔