عریانیت کبھی بھی کسی فلم کی کامیابی کی ضمانت نہیں بن سکتی: عجب گل

لاہور (آئی اےن پی) معروف اداکار و ہدایتکار عجب گل نے کہا ہے کہ عریانیت کبھی بھی کسی فلم کی کامیابی کی ضمانت نہیں بن سکتی، ہماری انڈسٹری میں کئی مثالیں موجود ہیں کہ عریانیت کے بغیر فلموں نے ریکارڈ بزنس کیا۔ اگر آپ عریانیت کو کامیابی کا زینہ سمجھ کر فلم بنائیں گے تو اسے چند بیمار ذہن تو ضرور پسند کرینگے لیکن اکثریت اسے رد کر دے گی۔ انہوں نے کہا کہ ہماری فلموں میں عریانیت بڑھ رہی ہے ہمیں اس سے بچنا چاہیے بلکہ اچھی معیاری اور سبق آموز فلمیں بنانی چاہئیں۔