ویمن ہاکی کلب کا تربیتی کیمپ لاہور میں شروع، 10 ستمبر تک جاری رہے گا

لاہور(سپورٹس رپورٹر) ویمن ہاکی پروموشن کے لئے دیوا یونائٹیڈ ویمن ہاکی کلب نے لاہور میں تربیتی کیمپ کا آغاز کر دیا۔ 25 اگست سے 10 ستمبر تک یونیورسٹی گراورنڈ میں ہونے والے تربیتی کیمپ کی آرگنائزنگ سیکرٹری ثمن رشید کو مقرر کیا گیا۔ تربیتی کیمپ کا باقاعدہ افتتاح پنجاب یونیورسٹی ڈائریکٹر سپورٹس شمسہ ہاشمی کرینگے۔ کیمپ میں انٹرنیشنل ویمن کھلاڑی سونیا خان، صبا سعید، بینش حیات، آمنہ میر، آسیہ صدیق، زیب النسا اور کوچز وحید مرزا، سہیل اشرف اور تصور باجوہ بھی کیمپ میں نوجوان ویمن کھلاڑیوں کو تربیت دینگے۔