احتساب عدالت میں مختلف ریفرنسوں کی سماعت، گواہوں کے بیانات قلمبند

لاہور(اپنے نامہ نگار سے)مقامی احتساب عدالت نے ہمیش خان وغیرہ کے خلاف دائر بینک آف پنجاب فراد ریفرنس کی سماعت 26اگست تک ملتوی کر دی ہے ۔ گزشتہ روز فاضل عدالت نے استغاثہ کے ایک گواہ کا جزوی بیان قلمبند کیا ۔  احتساب عدالت نے بینک نادہندگی کے الزام میں گرفتار خو شی محمد اور ناصر احمد کے جسمانی ریمانڈ میں 8ستمبر تک توسیع کر دی ہے ۔ فاضل عدالت نے گزشتہ روز ریمانڈ میں توسیع کرتے ہوئے نیب حکام کو ہدایت کی کہ وہ آئندہ پیشی تک ملزمان سے تفتیش مکمل کرلیں ۔ ملزمان نے کاروباری مقاصد کے لئے کمرشل بینکوں سے بھاری قرض لے کر واپس نہیں کیا تھا ۔