گوجرانوالہ : نامعلوم افراد کی گھر میں گھس کر فائرنگ‘ میاں بیوی دو بیٹوں سمیت قتل

گوجرانوالہ (نمائندہ خصو صی) تلو نڈی کھجور والی میں نامعلوم افراد نے گھر میں گھس کر فائرنگ کر کے میاں بیوی کو دو بیٹیوں سمیت قتل کردیا۔ تھانہ کینٹ کے علاقہ تلونڈی کھجوروالی کے ریاست علی کے گھر میں علی الصبح داخل ہوکر نامعلوم افراد نے اندھا دھند فائرنگ کردی جس کے نتیجہ میں 50 سالہ ریاست علی ‘اس کی بیوی 45 سالہ حفیظاںبی بی‘ بیٹیاں قمر ‘منور شہزادی شدیدزخمی ہوگئیں جبکہ حملہ آور شدید فائرنگ کرتے ہو ئے مو قع سے فرارہوگئے۔ مضروبین کو فوری طبی امداد کیلئے ہسپتال منتقل کیا جارہا تھا کہ ریاست ‘حفیظاں بی بی‘ قمر زخموں کی تاب نہ لاتے ہوئے راستے میں ہی د م توڑگئیں جبکہ منور شہزادی کو انتہائی مخدوش حالت میں لاہور ریفرکیاگیا مگر وہ بھی جانبر نہ ہوسکی اورچل بسی۔ نعشوں کوضروری کارروائی کیلئے ہسپتال منتقل کر دیا گیا ہے۔ معلوم ہوا ہے کہ مقتولین کو جائیداد کے تنا زعہ پر قتل کیا گیا ہے تاہم تھانہ کینٹ پولیس نے مقتول ریاست کی بیٹی رضیہ بی بی کی درخواست پر نامعلوم افراد کیخلاف مقدمہ درج کر کے اس اندو ہناک واقعہ کے محرکات اور ملزمان کو قا نون کے کٹہرے میں لا نے کیلئے تفتیش شروع کر دی ہے۔
میاں بیوی/ قتل