لاہور(سپورٹس ڈیسک)ملازمت اور روزی روٹی کمانا آسان نہیں ،چین میں خطروں کے کھلاڑی ایک نہایت خطرناک پہاڑی چٹان یعنی کلف کی صفائی کرنے پہنچ گئے۔سینٹرل چین کے بلند ترین پہاڑی سلسلے میں ایک سو میٹر بلندی پر ہوا میں لٹک کر کلف کی صفائی کرنے میں یہ چینی ورکرز اپنی جان دائو پر لگا کراپنا فرض پورا کرتے دکھائی دے رہے ہیں۔رسیوں سے لٹک کر اونچائی سے زمین کی جانب سفر کرتے ہوئے ان خطرون کے کھلاڑیوں نے ایسی مہارت دکھائی کہ کئی بار لینڈ سلائیڈنگ اور پتھروں کے ٹوٹ کر گرنے سے بچ گئے تاہم خوفزدہ نہیں ہوئے اور اپنا کام کامیابی سے مکمل کیا۔