عیدالاضحی پرٹائون شپ میں صفائی کے انتظام بہترین رہے: محمد سرفراز خان

لاہور(پ ر)ٹائون شپ کے سماجی و تاجر رہنما سابقہ جنرل کونسلر محمد سرفراز خان اور علاقہ کے عوام نے ٹائون شپ میں عیدالاضحی کے موقع پر صفائی کے بہترین انتظامات پر اظہار اطمینان کیا ہے۔ سٹاف نے قربانی کے جانوروں کی اوجڑیاں ،فضلات اور گندگی کو بروقت ٹھکانے لگایا، محمد سرفراز خان نے صفائی کے مثالی انتظامات پر جنرل مینیجر آپریشن LWMC محمد آصف اقبال، اسسٹنٹ مینیجر علی شاہد بٹ، زونل آفیسر چوہدری عاشق حسین ،OZPAK کے ڈپٹی مینیجر احمد حسن ، علاقہ کے سینٹری انسپکٹر محسن بھٹی، کوآرڈینیٹر محمد جمیل اور یوسی232 کے چئیرمین حاجی محمد اجمل ہاشمی کو شاندار کراج تحسین پیش کیا ہے، جن کی شب و رز کاوشوں کے باعث علاقہ کے عوام کو صفائی کے اعلی انتظامات میسر آئے، محمد سرفراز خان نے اعلان کیا کہ بہت جلد اس سلسلہ میں سٹاف کے اعزاز میں تقریب منعقد کی جائے گی۔