ڈسٹرکٹ پولیس لائنز قلعہ گجر سنگھ کی گذشتہ ہفتہ کی کارکردگی رپورٹ جاری

لاہور (نامہ نگار )ڈسٹرکٹ پولیس لائنز قلعہ گجر سنگھ کی گذشتہ ہفتہ کی کارکردگی رپورٹ جاری کر دی گئی۔ محرم الحرام کے سکیورٹی انتظامات بارے ضلعی امن کمیٹی کا اجلاس منعقد ہوا جس میں سی سی پی او لاہور بی اے ناصر، ڈی آئی جی آپریشنز لاہور اشفاق خان اور ڈی آئی جی انویسٹی گیشن انعام وحید سمیت تمام مسالک کے علمائے کرام نے شرکت کی۔ لاہور پولیس اور چائلڈ پروٹیکشن اینڈ ویلفیئر بیورو کے اشتراک سے چار روزہ تربیتی ورکشاپ کا انعقادکیا گیا جس میں چائلڈ پروٹیکشن اینڈ ویلفیئر بیورو کے ماسٹر ٹرینر نے پولیس افسران کو بچوں کے تحفظ اور ان کے حقوق سے آگاہی بارے لیکچرز دیئے۔ پولیس لائنز میں انویسٹی گیشن ونگ کے 86، گاردات کے 125 اور سیکیورٹی ڈویژن کے 99 پولیس اہلکاروں کو فائر پریکٹس کرائی گئی۔