پاک ہیرو ہاکی کلب کی 55 ویں سالگرہ پر ٹورنامنٹ میزبان ٹیم نے جیت لیا

لاہور(سپورٹس رپورٹر) پاک ہیروز ہاکی کلب کی 55 ویں سالگرہ پر منعقدہ ٹورنامنٹ کا ٹائٹل میزبان پاک ہیرو ٹیم نے جیت لیا۔تین روزہ ٹورنامنٹ کا فائنل پاک ہیروز اور اولمپیئن سعید انور ہاکی کلب فاروق آباد کی ٹیموں کے درمیان کھیلا گیا ‘پاک ہیروز کلب نے پانچ تین سے کامیابی حاصل کی۔ پاک ہیرو کے چارٹر ممبر عبدالمجید بھٹی کو لائف ٹائم اچیوومنٹ ایوارڈ سے نوازا گیا۔ انٹرنیشنل مقابلوں میں پاکستان کی نمائندگی کرنے والے پاک ہیروز کے سابق دس کھلاڑیوں کو گولڈ میڈلز سے نوازا گیا۔ ایشین ہاکی فیڈریشن کی جانب سے غلام غوث نے اختر رسول کو سونیئر پیش کیا۔ مہمان خصوصی سابق صدر پی ایچ ایف اولمپیئن اختر رسول اور ڈی ایچ اے لاہور کے صدر چوہدری امجد نے انعامات تقسیم کیئے۔