پنجاب ٹیلنٹ ہنٹ فٹبال چیمپئن شپ گوجرانوالہ یونائیٹڈ کے نام

لاہور(سپورٹس رپورٹر)پنجاب ٹیلنٹ ہنٹ فٹ بال چیمپئن شپ، فائنل میں گوجرانوالہ یونائیٹڈ نے فیصل آباد لائیل ایف سی کو ایک کے مقابلے میں دو گول سے شکست دے کر ٹرافی اپنے نام کر لی، تیسری پوزیشن لاہور کنگز کے نام رہی۔ فائنل میں فیصل آباد لائیل نے شروع سے ہی دباو ڈالے رکھا اوراٹھارویں منٹ میں برتری حاصل کر لی، دوسرے ہاف میں گوجرانوالہ یونائیٹڈ نے انچاسویں منٹ میں گول کر کے میچ ایک ایک گول سے برابر کر دیا، باسٹھویں منٹ میں دوسرا گول کر کے برتری حاصل کر لی جو فیصلہ کن ثابت ہوا۔ مہمانان نائب صدر پنجاب فٹ بال ایسوسی ایشن شیخ اقبال، چوہدری رشید، میاں عباس، ضیا ڈوگر، فاروق بھٹی نے کھلاڑیوں میں ٹرافیز، میڈلز و نقد انعامات تقسیم کئے۔ ٹورنامنٹ کے ٹاپ سکورر جبکہ فیصل آباد لائیل کلب کے زین العابدین بہترین کھلاڑی ، گوجرانوالہ کے مبارک بہترین گول کیپر کے انعام کے حقدار ٹھہرے، فئیرپلے ٹرافی بہاولپور کے حصے میں آئی۔