بھارت نے ویسٹ انڈیز کو پہلا ٹیسٹ میچ 318رنز سے ہرا دیا

لاہور(سپورٹس ڈیسک)بھارت نے ویسٹ انڈیزکوپہلا ٹیسٹ میچ318رنز سے ہرادیا۔ مہمان ٹیم نے دوسری اننگز 343رنز سات کھلاڑی آئوٹ پر ڈکلیئر کرکے میزبان ٹیم کو جیت کیلئے 419رنز کاہدف دیا ۔ کالی آندھی کی بیٹنگ لائن ریت کی دیوار ثابت ہوئی اور صرف 100رنز پر ڈھیر ہو گئی ۔صرف تین کھلاڑی ڈبل فگر میں داخل ہوسکے ۔ کیمار روئچ نے سب سے زیادہ 38رنز بنائے ۔ بمراہ نے پانچ ‘اشانت شرما نے تین اور محمد شامی نے دو کھلاڑیوں کوآئوٹ کیا۔ بھارت نے پہلی اننگز میں 297اور ویسٹ انڈیز نے 222رنز بنائے تھے ۔