شکارپور(صباح نیوز)شکارپور کے قریب انڈس ہائی وے پر مسافر کوچ اور ٹرک میں ٹکر کے نتیجے میں 3 افراد جاں بحق اور 15 زخمی ہو گئے۔ ریسکیو عملے نے لاشوں اور زخمیوں کو ہسپتال منتقل کر دیا۔بتایا گیا کہ مسافروں سے بھری کوچ انڈس ہائی وے پر منزل پر رواں دواں تھی کہ سامنے سے آنے والے ٹرک سے ٹکرا گئی، حادثے کے نتیجے میں 18 افراد شدید زخمی ہو گئے تاہم 3 مسافر ریسکیو عملے کے پہنچنے سے قبل ہی زخموں کی تاب نہ لاتے ہوئے چل بسے۔ریسکیو اہلکار اطلاع ملنے پر جائے حادثہ پر پہنچے اور 15 زخمیوں کو تحصیل اور سول ہسپتال منتقل کیا۔ پولیس کے مطابق مسافر کوچ کراچی سے پنجاب جا رہی تھی کہ حادثے کا شکار ہو گئی۔